kufunga ndoa katika hali hii, msitushangae ndivyo ilivyo kanuni ya ukoo wetu, tukilazimisha kuna mabaya yanaweza kutokea naongea haya kama kiongozi wa ukoo nilie hai mpaka sasa" baba mkubwa wa Meckson aliongea kwenye kikao kifupi ambacho alikiitisha, walikuwepo wazazi wa upande wangu ambao walionisimamia ni shangazi na mumewe pia mimi na Meckson tulikuwepo, tulikubaliana jambo hilo ila tulivyokua wawili mimi na Meckson kuna namna hakuonesha kumpendeza kabisa.

"Yaani mimi ni muoaji halafu mtu ananipangia pangia tu, baba mkubwa miaka na miaka hawezi kuacha ukoloni wake aaaagh aaaah aaah" Meckson aliongea kwa hasira huku akipiga piga ukuta nilimwonea huruma ikabidi nimvute kwenye kochi na kumtuliza.

Kwa wakati huo tulikua nyumbani kwake, migodi aliyokua anashughulika na uchimbaji iko mbeya ila aliamua kununua nyumba mpya dar ili iwe rahisi kwa familia atakayoianzisha pamoja na mimi tuweze kukaa ndani yake bila kukumbwa na swala la kuhama hama.

"Tumsikilize tu mpenzi wangu mbona miezi tisa sio mingi hatuwezi jua ameona nini ambacho mimi na wewe hatujakiona"
"Hakunaa yule ni mkoloni tu kila kitu lazima aniamulie wakati huu nimechoka kuna wazo nimelipata hapa" Meckson alishikilia msimamo wake.
"Wazo gani umelipata tena?"
"Tutafunga ndoa mimi na wewe, tutafunga ndoa ya mahakamani ili tuwe na uhuru wa kuishi pamoja ili hata mtoto wetu azaliwe tukiwa kwenye ndoa, hii itatimiza ndoto yangu ambayo nilikua nayo yakwamba lazima watoto wangu wote wazaliwe nikiwa ndani ya ndoa" Meckson alifafanua jambo hilo, nami nilimkubalia kwa asilimia nyingi lilikua na maana kubwa, wapendanao wawili tukagoma kwenda kinyume na matakwa ya baba mkubwa aliekua kiongozi wa ukoo wa kina Meckson.
Ila tulikubaliana ndoa hiyo iwe siri ya watu wawili tu mimi na yeye, kweli tulifanikiwa kufunga ndoa bomani, mioyoni mwetu tulijawa na furaha sana, niliona nimempata mwanaume niliekua namwomba Mungu anipatie miaka na miaka pia nae alimshukuru Mungu kwaajili yangu.

Meckson alimwomba shangazi ili akaishi na mimi nyumbani kwake kwakua alishanilipia mahali tayari hakukua na kipingamizi chochote hivyo nilikubaliwa na kwenda kuanza kuishi maisha ya ndoa pamoja na mume wangu Meckson.

Kwa upande wa Diana na John wao walifunga ndoa mwezi uliofuata, ndoa yao ilikua pambe kweli, tukiwa kanisani kwenye kufunga hiyo ndoa pale mchungaji alipouliza yeyote mwenye zuio la haki la kuzuia ndoa hiyo isifungwe asimame na aseme, kuna mwanamke mmoja aliekua kabeba mtoto mkononi, uso wake umetawaliwa na machozi mengi alisimama na kusema analo zuio la haki la kuzuia ndoa ya John na isifungwe, kila mmoja ndani ya kanisa alishangazwa na jambo hilo ambalo halikuonesha masikhara hata kidogo nikweli mwanamke huyo alidhamiria kusitisha ndoa hiyo kufungwa. Mdogo wake na John alijaribu kumwondoa mwanamke huyo ukumbini, mchungaji alizuia jambo hilo kutokea ili mwanamke atoe sababu za kwanini ndoa hiyo haikupaswa kufungwa.
Diana alishaanza kulia kwa upande wa John alishikwa na tumbo joto kwa kile kitakachoongelewa mahali hapo kama ushahidi kutoka kwa huyo mwanamke mwenye mtoto.

Itaendelea....