, ambaye alikuwa ameoa mke wake mrembo aitwaye Natasha, alikuwa anahangaika kumtunza vizuri. Kadri siku zilivyokaribia, Natasha alitarajia mumewe amwonyeshe upendo, umakini na hata labda amshangaze na zawadi ndogondogo. Tafon alikuwa amemwahidi kuwa atamrudisha shule baada ya ndoa, lakini sasa alimwambia ukweli kuwa hana pesa ya kumsomesha kwa muhula huu unaokuja.

Ilipita miaka miwili tangu wao kuoana. Tafon, ambaye alikuwa mfanyabiashara mdogo sokoni, mara nyingi alilalamika biashara ni mbaya na maisha ni magumu. Pamoja na changamoto zao za kifedha, mapenzi kati yao yaliendelea kuwa imara. Lakini Tafon alikuwa na siri kubwa sehemu ya maisha yake ya nyuma ambayo hakuwahi kumwambia Natasha.

Siku moja, Natasha alimwambia wazi kuwa asingependa kuolewa na mwanaume mwenye mtoto tayari, kwa sababu atakuwa akichanganyikiwa kati ya familia yake mpya na mama wa mtoto wake. Kwa hofu ya kumpoteza Natasha, Tafon hakuwahi kumweleza ukweli kwamba ana mtoto.

Ingawa walipendana, bado walitamani sana kupata mtoto wao. Walikuwa wameomba na kutumaini kwa muda mrefu, lakini bila mafanikio. Wakati mwingine walikaa kimya kwa huzuni, wakitamani miujiza.

Kadri shule ilivyokaribia kufunguliwa, Natasha alimwambia mumewe:
“Natamani nipendeze kwa ajili yako. Nataka nisuke nywele na nijipange vizuri.”

Lakini Tafon, akiwa na mawazo mengi kichwani na mzigo wa shida, alimwambia asubiri.

Wakati huo huo, simu ya Tafon iliendelea kuita mara kwa mara. Alikuwa akiepuka kupokea, lakini mpigaji hakuacha. Hatimaye, huyo aliyekuwa akipiga simu aliamua kufika nyumbani mwenyewe.

Mgeni huyo alikuwa msichana mdogo aitwaye Kemjei, akiwa na mtoto wake. Siku hiyo mambo yalibadilika kabisa. Aligonga mlango kwa nguvu, na cha kushangaza ni Natasha ndiye aliyeufungua. Mara moja, Kemjei akamsukuma mtoto wake mdogo mbele.

“Ingia humu, hii ndiyo nyumba ya baba yako,” alisema.

“Samahani dada, umekosea nyumba. Hapa mume wako hayupo,” Natasha alimjibu kwa adabu, “Labda umekosea mahali.”

Lakini Kemjei hakukubali. “Hapana! Hii ndiyo nyumba ya baba wa mwanangu. Yeye ni kaka yako, si ndiyo? Mbona hajapokea simu zangu? Shule inafunguliwa hivi karibuni na hata penseli hajamnunulia Fanka, mtoto wake.”

Natasha alishtuka na kubaki ameduwaa. “Hii ni nyumba ya mume wangu,” alisema kwa tahadhari.

Uso wa Kemjei ukaonyesha mshangao na kuchanganyikiwa. “Haiwezekani hii iwe nyumba ya mume wako! Tafon hajawahi kuniambia ameoa. Mbona hashiki simu zangu?”

Moyo wa Natasha ukazama. “Dada, sema unatania. Tafadhali ondoka kwenye nyumba ya mume wangu. Hajanieleza kama ana mtoto na sidhani kama atakua amenidanganya.”

Lakini Kemjei alikataa kuondoka. Alibaki nnje, akiwa amemshika mkono mwanawe mdogo. Natasha lifunga mlango na kuingia Ndani ya nyumbaa akitetemeka, akili ikizunguka kwa maswali na mashaka.

Siri ambayo Tafon alikuwa ameificha kwa muda mrefu hatimaye ilifichuka na maisha hayangekuwa kama zamani tena.

Usikose Sehemu ya pili!
Kumbuka pia sauti ya Tajabu bado tupo nayo inaendelea sehemu ya kumi na Tano kesho🔥🔥🔥🔥🔥🔥