tuna ukaribu Ivyo haikumchukua muda kupata taarifa zangu zote. Alichokifanya ni kumpigia simu Lily na kumueleza kila kitu kilichonitokea.

Lily alishtuka sana maana Baada ya mimi kumtumia ule ujumbe kuhusu Michael, alijaribu kunipigia mara nyingi sana lakini simu yangu ilikuwa imezimwa. Asijue kuwa mda huo shoga ake nipo kwenye hatari ya kung'olewa jino kwa spana

Basi Lily akamueleza kila kitu, jinsi nilivyokuja Dar es Salaam, nilivyoanza kufanya kazi, jinsi nilivyokutana na Michael, na vile nilivyokuwa nafanya kila kitu kwa ajili ya Michael! Hadi kufika stage ya kufanya kazi ya mlinzi kama mwanaume kwa ajili yake.

Mnajua mpaka Tobias hakuamini kama mtu anaweza kufanya jambo kubwa namna hiyo kwa sababu ya mapenzi. Aliona ni upuuzi lakini hakutaka kusema chochote.

Baada ya kukusanya taarifa za kutosha toka kwa Lily, Tobias alirudi kwa Bishop kumueleza kila kitu alichoambiwa. Akamsimulia alivyosimuliwa na mwisho akamuuliza kama

"sasa utamfanya nini huyu msichana?"

Bishop akajibu "Kama ni ivyo sitamuua wala kumuumiza lakini sitamwachia aondoke"

"Kwanini? Kama hana nia mbaya, kwa nini usimuachie tu?"

"Kwa sababu tayari anajua mengi kuhusu hii nyumba. Anajua tunachofanya hapa ndani. Nikimuachia polisi wanaweza kumtumia ili awaambie kila kitu. Hata kama hakuwa na nia mbaya, siwezi kumuamini tena. Atabaki hapa mpaka mimi mwenyewe niamue cha kumfanya"

"Sawa, basi tufanye nini sasa?"

Bishop akamjibu "Nenda umtoe kwenye selo. Na pia Hatakaa tena getini nina wasiwasi atakimbia, Mpe chumba cha karibu na changu. Nataka niendelee kumchunguza zaidi maana bado simwamini"

"Sawa" Tobias akakubaliana nae

Wakati huo mimi nilikuwa nimechoka kupita maelezo. Machozi yalikua hayatoki tena, nilikaa tu kama zombie Mda sio mrefu Tobias aliingia na kuanza kunifungua kamba za mikono na miguu.

"Mbona unanifungua?" Nilimuuliza

"Bishop kasema nikuachie uende ukaoge,

ubadilishe nguo, upumzike"

"Kwanini sasa? Jana tu alitaka kuniua!"

"Kwa sababu jana alifikiri wewe ni npelelezi. Ila now amejua ukweli, ndiyo maana anakuruhusu utoke"

Nikamuuliza "Inamaanisha naweza kurudi nyumbani?"

"Hapana, Unabaki hapa ila tu kutoka nje ya hii nyumba ndo huruhusiwi"

"Kwanini? Mimi sitaki kukaa hapa tena. Nataka nirudi nyumbani nipumzike"

"Unaweza kupumzika tu hapa. Alafu Sasa ivi tayari unajua mambo mengi kuhusu sisi unadhani Bishop anaweza kukuacha uondoke kirahisi?? Anaogopa polisi wanaweza kukutumia dhidi yake. Kwa hiyo kasema njia salama ni wewe kubaki hapa"

Nikasema "Sawa kwa sababu nilijua hata nikibembeleza Bishop hataniachia. Nilikubali tu.

Baada ya kunitoa kule Tobias akanisindikiza hadi kwenye chumba cha wageni kilicho kua karibu na chumba cha Bishop. Nikaambiwa nikaoge na nikapumzike, pia Nilikuwa nanuka kwa sababu nilikuwa kwenye siku zangu na sikuwa nimevaa chochote.

Basi Nikaingia bafuni moja kwa moja nikaoga. Nilipomaliza, nikakuta nguo zangu zote zimeshaletwa kule chumbani ivyo nikavaa. Ila sikuwa na pads kwa hiyo nikaanza kufikiria kwenda kumtafuta Tobias ili anisaidie.

Lakini kabla sijatoka, mlango ukafunguliwa ghafla bila hata kugongwa. Alikua Bishop kabeba mfuko mweupe mdogo. Akanipatia ule mfuko, nikautazama, ndani kulikuwa na pads. Nikasema "Asante"

lakini hakunijibu. Alikuwa ananitazama tu.

Kwakua sasa wote walijua mimi ni mwanamke, sikuona haja ya kuendelea kujificha. Niliachia nywele zangu na nikavaa gauni langu ambalo nilikua nalo toka mwanzo. Sio siri mimi ni karembo sana sema ndo ivyo sijajizingatia.

Saa ngapi Bishop asianze kuniangalia kuanzia juu hadi chini. Namna alivyonitazama ilionyesha kabisa ananitamani maana Daah! Jicho Alipogundua ananiangalia kupita kiasi, akageuka lilimlegea sio kitoto. Yeye mwenyewe haraka akaondoka kimya bila kusema kitu.

Embu kwanza.....nakuja..........