CHUO CHA MIHEMKO SEHEMU YA 11

CHUO CHA MIHEMKO
SEHEMU YA 11

---

Mapenzi si mchezo wa kamari, lakini siku hiyo nilihisi kama nimevuta karata mpya, na jina lake lilikuwa Teddy.
Teddy alikuwa tofauti.
Sio kwa sababu alikua na miili sita au ana gari, la hasha.
Alikuwa na kitu kingine utulivu wa mwanaume anayejua anachotaka na hajawahi kuruhusu maisha yamtese bila sababu ya msingi.

Siku ile niliangalia zile picha ndani ya folder aliyoniwekea kwenye flash. Kila picha ilikua kama sentensi ya kitabu nilichosahau kukisoma mapema.
Ilikua mara ya kwanza mtu kunitazama kwa macho ya ndoto na kuniona kama mstari mzima wa fahari.

Nilimtext:
“Ulinichora bila kuniambia, ulinisoma bila kuniuliza. Unataka nini kwangu, Teddy?”
Akanijibu baada ya sekunde chache:
“Sitaki kukumiliki Neema, nataka kushiriki nawe safari ya kukua.”
Nikakaa kimya.
Yaani huyu jamaa ananipigia one liner za kunifanya niwaze majibu kwa dakika ishirini.

---

Wiki iliyoingia ikawa ya projects, assignments, na mid semester test.
Nilikuwa busy, lakini si busy ya kukwepa mapenzi…
Busy ya kujiweka sawa kwa mtu anayeonekana kujua thamani yangu kabla hata hajaniambia "nakupenda".

Teddy alianza kunisindikiza library, akanisaidia reference formatting, akawa kama kivuli chenye mwanga.
Watu wakaanza kuuliza:

> “Mmeshaanza?”
“Ronnie kaisoma namba au bado anakujifanya ni mwanafunzi wa Resit?”
“Teddy kakudaka au unamdaka?”

Mimi nilikuwa kimya.
Nilijua kwenye maisha ya chuo, ukisema unapenda mtu leo, kesho picha yenu ipo kwenye status ya group la campus.
Na ukimkataa mtu mzuri kwa haraka, unaweza ukajikuta umebakiza vitanda viwili tu vya chaguo cha upweke na cha maumivu.

---

Siku ya Jumatano kulikuwa na event ya Career Day.
Teddy alikuwa mmoja wa waandaaji.
Alivaa suti ya blue, shati jeupe na tai nyekundu ile rangi inayowakilisha ujasiri wa mtu anayejua ana deni la moyo wako.

Tulipokutana pale kwenye ukumbi, akanitazama na kunong’ona:
“Siku ya leo, kila mtu aje na ndoto yake. Mimi nimekuja na wewe.”
Mimi nikajicheka, nikajifanya sielewi. Lakini moyoni, nilikua najibembeleza nisikubali mapema sana.

Baada ya hotuba za makampuni na networking ya kawaida, Teddy alikuja pale nilipokaa peke yangu.
Alichukua kiti, akakaa pembeni, kisha akaniambia kwa sauti ya chini kama vile anaogopa kamera za hisia:

“Neema, nimekuwa nikikutazama kimya. Si kwa ajili ya kutamani tu, bali kwa ajili ya kuthibitisha kwamba wewe ni mtu sahihi wa kupendwa bila shaka.”
Nilimtazama… kwa macho ya mtu aliyejaa hofu lakini pia kiu.
“Unamaanisha nini hasa?”
Akanijibu bila kukwepa macho:
“Nataka uwe mwanamke wa kwanza kumwambia mtoto wangu kuhusu maisha… na si kwa sababu tu nakupenda, bali kwa sababu najua, ukichagua kupenda, haufanyi mchezo.”

Moyo wangu uligonga kama drum ya bendi ya taarab.
Muda huo, nilitamani dunia isimame, watu wote waondoke, na sisi tuwepeke yetu tukimenyana na mihemko yetu.

---

Lakini usiku huja na baridi ya ukweli.

Baada ya event, tulirudi hosteli.
Nikiwa nalala, nikapokea message kutoka kwa namba isiyo na jina:
“Usijidanganye na Teddy. Huyo jamaa si mtu mzuri. Ana historia ya kuvunja moyo wanawake kadhaa. Usiwe mjinga mwingine.”

Nilishikwa na butwaa.
Nikashusha simu polepole kama mtu aliyegundua amepewa zawadi ya chocolate iliyojaa sumu.
Moyo wangu ukaanza kupambana na akili:

"Je, ni kweli? Au kuna mtu anapenda kuniharibia tu?"
"Ronnie anaweza kuwa nyuma ya hii? Au ni mmoja wa waliomwagiwa Teddy mapenzi wakadhani ni ndoa?"

Nikamtext Teddy:
“Una maadui wengi?”
Akanijibu:
“Ni watu wengi wanaoniona najitahidi kumpenda mtu ambaye hajui kuumiza. Wanadhani nimeficha nia mbaya.”

Nikamuuliza moja kwa moja:
“Umeshawahi kuumiza mtu kihisia?”
Akanijibu:
“Ndiyo. Lakini si kwa makusudi. Na kila mmoja wao alinishukuru baadae kwa kuwa mkweli.”

---

CHUO CHA MIHEMKO - SEHEMU YA 12 inakuja:
Je, ujumbe ule wa usiku ni onyo halali au wivu wa mapenzi?
Neema atafungua moyo kwa Teddy au ataweka kinga ya majeraha ya nyuma?
Na historia ya Teddy ni ya kweli au ni hadithi ya watu waliokataa kukubali kurasa mpya?

Safari inaendelea, na chuo kinazidi kufundisha somo ambalo hakuna lecturer aliyehitimu kulitolea GPA – Mapenzi na maamuzi.

Weka like hapooooo.
share     comments 0 claim rewards