CHUO CHA MIHEMKO
SEHEMU YA 14

---

Nilibaki nimesimama pale cafeteria nikiwa kama sanamu la Makumbusho ya Taifa. Video ile ya sekunde ishirini ilishanichanganya akili. Nilihisi midomo yangu inatetemeka, mikono inatetemeka, na moyo ukidunda kama jenereta linaloanza kazi usiku wa giza totoro.

“Usijali baby, nimemwingiza tu Neema ili Amanda aone nimemmove on…”

Maneno hayo yaliendelea kupiga marudio kwenye masikio yangu kama notification ya message usiku wa manane. Nilimuangalia Teddy, macho yangu yakiwa hayana machozi lakini yamejaa maswali.

“Hii video... ni ya kweli?”

Teddy aligeuka na kuniangalia kama mtu aliyefumaniwa akilisha ndizi sokoni. Uso wake ulikuwa wa mshangao, kama vile na yeye amekutana na taarifa mpya.

“Neema, hiyo siyo mimi... yani siwezi kusema hivyo... hiyo sauti wamechakachua!”

Alisema kwa kujiamini lakini sauti yake ilikosa mzizi. Ilikuwa dhaifu kama mtu anayepinga ushahidi wa DNA bila mawakili.

“Lakini sura... sauti... na hiyo chumba ni ya kwako!”
“Ndiyo chumba changu, lakini hiyo clip imekatwakatwa. Amanda ananilostisha kwa makusudi! Ana uwezo wa ku-edit video, alinionesha siku moja akiwa anamtengenezea kiki mshkaji wake wa Instagram.”

Nilianza kupepesa macho, moyo ukiwa na vita ya hisia na akili. Hisia zangu zilikuwa zinasema nimwamini Teddy, lakini akili ilikuwa inabishana, ikikumbushia “red flags” zote.

---

Usiku huo nilijifungia hostel, nikiwa nimewasha taa lakini giza likiwa ndani ya moyo wangu. Nilimtext Doreen, nikamwambia:

Me: “Mambo yamebadilika... kuna video ya Teddy akiwa na mwingine.”
Doreen: “Wewe nilikwambia. Mwanaume mwenye scandal ya marks si mtu wa kumuweka ndani ya moyo. Hapo sasa anakuonyesha episode mpya ya chuo.”
Me: “Lakini anasema video ni feki.”
Doreen: “Sawa, usikurupuke. Ila chunguza, usiamini maneno matupu. Hawa maboyfriend wa vyuoni wanavaa sura mbili kama nyoka.”

---

Siku iliyofuata class tulikuwa na kipindi cha ‘ICT Practical’. Kwa bahati mbaya au nzuri, nilikaa karibu na Amanda. Alinitazama kwa tabasamu lililojaa kejeli.

“Niliwahi kukuambia mapema, Neema. Teddy si mwanaume wa kufa naye. Ni project ya kila mwaka ya chuo hiki.”

Nilitabasamu kimkakati, nikaamua kumpa jibu la kistarabu.

“Amanda, video haimaanishi kila kitu. Na hata kama ni ya kweli, nina uwezo wa kusimamia maisha yangu mwenyewe. Mimi si sehemu ya vita vyako vya kihisia.”

Amanda alishtuka. Labda hakutegemea ningejibu kwa utulivu kiasi hicho.
Lakini ukweli ni kwamba ndani yangu kulikuwa na vumbi la hasira.

---

Baada ya class, nilimfuata Teddy. Tukakutana pale kwenye bustani ya nyuma ya hostel. Tulikaa kwenye benchi lililochorwa maandishi ya “TRUE LOVE LIVES HERE” irony kabisa kwa yaliyokuwa yanatokea.

“Teddy, usinipotezee muda wangu. Kama ni kweli, uniambie. Kama siyo kweli, nionyeshe proof.”
“Nina proof, Neema. Nimepata ile video original kutoka group la Amanda. Kuna editing. Kwanza, hiyo clip haionyeshi mwanzo wala mwisho. Pili, nimegundua background sound ni ya wimbo wa zamani niliosikiliza nikiwa home. Imepachikwa.”

Akanipa simu yake, akaonesha software ya video analysis aliyotumia kuonyesha timestamps zilivyokatwa.
Sasa nikaanza kuona upande mwingine wa shilingi.
Labda, labda kweli Amanda ana hasira za kimapenzi zilizomfanya ku-plant evidence ya uongo.

“Neema, kama hutaniamini bado, niko tayari kwenda mbele ya Doreen, Amanda na hata walimu wa ICT. Niko clean.”

---

Siku chache zilizofuata Teddy alibadilika. Alikuwa makini zaidi, hakuwa na jokes za kipuuzi. Alikuwa anani-text kwa care, akinipigia hata usiku kuniuliza kama nimekula au nimejifunza.

Sasa nikawa kwenye kizunguzungu kingine huyu ni Teddy halisi au Teddy mpya wa maonesho ya ‘damage control’?
Chuo kimejaa michezo ya akili. Usipokuwa makini unaweza kuachwa ukiwa na penzi la Instagram na huzuni ya dunia halisi.

---

Wakati mapenzi yananiyumbisha, kuliibuka jambo jipya darasani.
Mwalimu mmoja wa Philosophy aliniita ofisini.

“Neema, una potential kubwa sana. Tafadhali jiunge na debate club ya chuo. Tunaenda kushindana Dodoma wiki ijayo.”

Haikuwa rahisi kusema hapana. Nilihitaji kitu kingine cha ku-focus, mbali na Teddy, Amanda na drama za video.

Siku hiyo nilirudi room nikiwa na azimio moja: “Nitamuacha moyo uendelee kupenda, lakini akili yangu ibaki active. Naanza maisha mapya, na sina hakika kama Teddy atakuwa sehemu ya huo mwanzo mpya.”

---

SEHEMU YA 15 INAKUJA HIVI PUNDE:
Je, Neema ataingia rasmi kwenye ulimwengu wa debate?
Teddy ataweza kusafisha jina lake?
Na Amanda, ana mpango gani mwingine wa kuvuruga game?
Michezo ya chuo bado haijaisha...

Gonga like ziende kasi nisichelewe