Siku moja baadaye
Upande wa jijii Dar es Salaam, Karimu alikuwa mjini amesimama njiani anaongea na simu, hata hivyo Karimu alikuwa anamsubiri Rose ili ampatie funguo za geto la Ray. Hata hivyo alikata simu na kutembea tembea mpaka pale alipoweza kufika maeneo fulani, ndipo alipomuona Rose akiwa amesimama kajibanza kwenye kona.

Alimsogelea kwa karibu “Shem vipi?”alimsalimia

“Safi kwema?” alimuuliza

“Kwema, nimekusubiri sana ujue” alisema Karimu

“Jamani samahani sana, nilikuwa niko mbali, si unajua siku hizi naishi vingunguti?”

“Vingunguti? Tangu lini” aliuliza Karimu kama vile hajui

“Ndio, jamani mwenzako hajakuambia?” Rose aliuliza

“Hapana”

“Ok nambie Karimu” alisema na kuvuta pumzi

“Ah…mh ninaomba ufunguo kuna vitu kaniagiza niweze kwenda kuvichukua mule ndani tafadhali” alisema Karimu lakini binti alishika kiuno na kumtazama tu

“Vitu gani?” aliuliza mtoto wa kike

“Ahsh, we nipe ufunguo” alisema Karimu huku akiwa anatabasamu, lakini bado binti alikaza

“twende wote” Rose aliongea huku akiwa ameshaanza kutembea kuelekea mitaa ya getoni kwa Ray

Kwa kifupi haikuwa mbali walitembea huku wakibishana

“Ina maana Rose hauniamini kwamba amenituma au?” aliuliza

“Najua amekutuma, sawa, lakini nataka nikajue alichokutuma humo ndani maana mh, mimi simuamini sana yule mwanaume” alisema binti

“Doooh” Karimu alisema

Hata hivyo binti walifanikiwa kufika, wakasalimia majirani na kufungua mlango, binti alipomaliza kufungua mlango hivi, alichomoa ufunguo akaweza kuingia nao ndani kisha akaketi kwenye sofa

“Ingia Karimu” alisema binti, na Karimu aliingia akiwa anafikiria atamdanganya binti kwamba ametumwa nini hata hivyo alipata wazo “Niambie kwamba ni kitu gani amekutuma hapa” alisema binti kwa hasira huku akionyesha kutokuamini kabisa kinachoendelea

“Mh, ni hii sabufa, amenituma hapa…niende nayo nyumbani” alisema jamaa

“Samahani sana, kwani wewe hauna ya kwako?” aliuliza

“sina, iliharibika, sasa hii nikasikilize kabla hajarudi”

“Ok powa chukua” alisema mtoto wa kike

“Ok powa, lakini sasa shem?” aliita Karimu

“Nambie”

“Wewe umehamia vingunguti kote kule, ili nisiwe nakusumbua kuja kunipa ufunguo siku nikitaka kuirudisha, basi ungeniachia ufunguo” alisema

“Hahaaaa……Karimu nimeshaujua mpango wenu, Ray anataka aniache, jamani khaa, sasa si aseme tu?” alisema binti huku machozi kama vile yalikuwa yanamlenga lenga hivi

“Hamna shemu sio hivo”

“Najua. Ila inauma jamani sawa….kama ananiacha” alisema huku akiinama na kufuta machozi halafu akainua macho na kumtazama, “Mi ufunguo sikupi, akitaka aje kuchukua mwenyewe” alisema binti na kuinuka akatazama kule na huku

“Sasa Rose ok basi sawa nitampigia simu ntamwambia umekataa kunipa vitu vyake” alisema Karimu

“mwambie tu, ila mimi ufunguo sitakupa, mpaka aje nimpe mwenyewe ndo nione imekuwaje”

“Ok powa mi nasepa” alisema Karimu na kusogea mlangoni hata radio hakuchukua tena

“sepa tu, ila ndo hivyo mwambie akitaka ufunguo aje anitafute mimi mwenyewe…..kama ana wasiwasi na mimi basi sikupi atajua mwenyewe” alisema binti.

Karimu aliishiwa pozi, akatoka huku akijicheka na kutoa simu mfukoni akaandika message kwa Jamaa

“DAAAH TRICK YETU IMEGONGA MWAMBA, AMESHTUKA AISEEE….AMEKATAA KUNIKABIDHI UFUNGUO AKIDAI KWAMBA UNA NIA YA KUMUACHA” alimtumia Ray

***
Kwa kawaida Ray alikuwa anachelewa sana kuamka, hivyo, ikiwa ni mida ya saa tano asubuhi ndipo alipojishusha kitandani na kuishika simu yake akakutana na message ya Karimu ila akaipuuzia na kuinuka akachukua mswaki halafu akaenda mpaka nje ya chumba.

Alipifika nje ya chumba alipata wazo la kurudi chumbani aweze kuchukua taulo, akaoge kabisa bafuni, alichukua taulo, sabuni ya kuogea kisha akatoka akipiga mswaki na kuzama bafuni, alimaliza kusawaki akaweka mswaki kwenye kadirisha kadogo ka bafuni, kisha akavua bukta na boxer zote akaziweka kwenye misumari nyuma ya mlango.

Hata hivyo alijisogeza pembeni mwa bomba la mvua akaanza kuoga taratiiibu huku akikumbuka tukio la nyuma. Alimkumbuka Rose jinsi alivyokuwa akiinjoy naye, akakumbuka ahadi nyingi ambazo pia alikuwa ameahidiana naye ahadi kama vile alikuwa an ampango wa kuoana na binti, lakin vivyo hivyo alikuwa amekula naye raha nyingi sana jijini Dar wakati yeye akiwa anafanya kazi ya kuuza katika duka la nguo la baba mmoja hivi.

“ahahaa” alitabasamu Ray alivyokumbuka kwamba kumbe binti alikuwa ana-date na boss wake kichwani alikumbuka mambo mengi ya maisha yake na Rose

Kumbe upande wa pili Naa alikuwa ameshaweka chakula jikoni, ilikuwa ni mseto amebandika, halafu akatoa kuni moto ukawa unawaka kwa mbalii, ndipo akatoka jikoni na kwenda mpaka chumbani kwake, kisha akalishika gauni akalivua na kubaki na chupi.

Alipomaliza kufanya hivyo, alichukua khanga na kujifungia kifuani mpaka mapajani halafu akatoka na kuingia katika chumba ambacho ndani kiligawanywa mara mbili, yaani kulikuwa na choo pamoja na bafu, vyote vikiwa na milango tofauti.

Alishika kitasa cha bafu akakizungusha bila kujua kuna mtu maana maji yalikuwa hayamiminiki, alipofungua hivi, alisikia sauti “WEWEEE. KUNA MTU” yaani mpaka sentensi ile inaisha, ni kwamba mlango ushafunguliwa, binti hakuamini macho yake, alimuona live jamaa akiwa uchi, kabisa, amejipaka sabuni mwili mzima na maji alikuwa amefunga.

Jicho lisivyokuwa na nidhamu lilitangulia kuona ile sehemu kuu, ilikuwa imeinuka kidogo. Alibaki mdomo wazi, na kugeuza uso haraka akatoka akikimbia, huku akitetemeka na kuilaumu nafsi yake.

Aliogopa akaingia chumbani na kujilaza kitandani “Heee kumbe ameshaamka jamani khaa” aliwaza mtoto wa kike huku akiifungua kanga yake akalala chali na kuanza kuwazia kile alichokiona…………
Muendelezo ni 1000
Njoo WhatsApp 0743433005