chochote" Ciara alijisemea kisha akavunga kama hakuna kitu kinacho endelea

"Ciara, nilikubali kuuzwa hapa kwa ajili yako naomba uzungumze chochote naamini Mike ana kusikiliza wewe kuliko mtu mwingine" Jessa aliongea huku akilia

Ciara alisimama, basi kila mtu alikaa kimya kusikia ni kitu gani atasema. Hata Jessa aliyekuwa anajiliza alikaa kimya kusikia ni kitu gani kitazungumzwa

Cha ajabu Ciara alimuonesha tabasamu Mike kisha akasepa

"Kwanini anaonesha tabasamu badala ya kuzungumza...." Katy alimuuliza Suzy

"Hana mashaka na maamuzi ya Mike hiyo ndio maana yake"

Basi Mike alifunga kikao, Mtumwa Jala alikuwa ni miongoni mwa Watumwa walioachiwa huru

"Kama huko nje hakuna mtu anayekusubilia naomba ubakie hapa kwa ajili yangu....utaishi kama Mama yangu na si Mtumwa" Ciara alimuambia Jala

"Kwa kuwa umeniomba nibakie hapa nitafanya hivyo..... unaonekana kuwa na akili nyingi kuliko mabinti wote niliowahi kukutana nao. Nitafurahi kama utakuwa msaada kwa Mike na si mzigo" Jala aliongea

Maneno yake yalikuwa mazuri kiasi cha Ciara kumkumbatia

"Hakuna undugu kwenye vitu vizuri, umekuwa ukimtazama Ciara kama ndugu yako lakini kashindwa kukusaidia.....uwezo wa kumshawishi Mike ubakie mahali hapa ni mkubwa sana cha ajabu amekuacha upambane na hali yako" Katy aliongea akiwa kasimama juu ya kibaraza na Jessa

"Kama ana uwezo wa kumshawishi Mike na akamsikiliza hashindwi kumsihi akuondoe mahali hapa. Hili si jambo la kusifia ni hatari kwako pia" Jessa aliongea

Katy alituliza kwa umakini akili yake, maneno aliyoambiwa yalikuwa na ukweli ndani yake

"Tangu nije hapa Mike hakuwahi kupata muda wa kuzungumza na Mimi..... inaonekana kwa sasa sina umuhimu wowote kwake, maneno yako yana ukweli ndani yake. Nitaandaa sherehe ndogo kwa ajili kukuaga wewe. Kuna kitu nitafanya" Katy aliongea kisha akaondoka

Mida ya usiku Ciara akiwa anaosha miguu yake Jessa alimfuata

"Kwanini hujataka kunitetea hata kidogo badala yake umeonesha kufurahia"

"Tofauti na kupendeza hakuna kitu cha maana unachokifanya hapa.... Mike anafahamu ni kwa jinsi gani nakupenda na ndio kafanya maamuzi mazuri ya kukuondoa hapa..... naomba tusiendelee kuzungumza kitu ambacho kimesha kwisha kufanyiwa maamuzi"
Kwanini usiongee ukweli tu kuwa uwepo wangu hapa ni tishio kwako, kwanini usiseme ukweli tu umewahi kutamani kumiliki sura yangu"

"Wewe bado ni Mtoto ukiwa mtu mzima hautazungumza hivyo. Nasikia siku ya kesho Katy atafanya sherehe ndogo kwa ajili yako.... itapendeza kama utaenda kulala kwa sababu wewe ndio mhusika mkuu" Ciara aliongea

Jessa aliachia tabasamu kisha akaondoka.

Kulivyo pambazuka asubuhi, Katy alisimamia suala zima la sherehe ndogo kwa ajili ya kumuaga Jessa

Vyakula vyote alivikagua yeye ndipo akaruhusu viwekwe kwenye hotpot.

Jessa alikuwa amependeza kana kwamba anaolewa.

Mike alikuwa bize na mambo yake ya kazi hakutaka hata kuhudhuria hii sherehe.

Wakati wa kula ulipowadia Ciara alijikuta akipatwa na hofu. Si mtu wa kutetemeka hovyo lakini siku ya leo alijikuta akitetemeka

Jala akiwa amekaa karibu na Ciara alimpatia ishara asije kula chakula kwa vyovyote vile.

Basi Katy aligeuka kuwa Mhudumu aliwataka watu wote watulie kwenye meza zao kisha yeye akawa anawawekea sahani chakula

Ciara alijikuta akitetemeka zaidi baada ya kuwekewa sahani ya chakula

"Karibu ufurahie sherehe ndogo ya kumuaga Jessa...." Katy alimuambia huku akiachia tabasamu

Itaendelea 💥