Sema Jambo 2025
MTAKATIFU GEMMA UTUOMBEE SHIRIKA LA MASISTA WA MT GEMMA WA DODOMA
Tunao Wapenda ndio wanao tuua baba
Sikiliza Wimbo Kamili
TANGAZA BIASHARA YAKO
Faidika zaidi kwa kutangaza hapa gonga94, bure tunathamini mchango wako kwetu Tunapo sema bure ni bure kabisa kwa matangazo yasio husu kamari
Weka Tangazo Hapa
BABA KWA NINI ULIMUUA MAMA YANGU?π ----- (01) (Kama una Machozi ya Karibu Usisome π₯Ί)
17th Sep, 2025 Views 16
Naitwa Magreth (Mage) kumbuka nilikuwa kidato cha pili kipindi hicho najiandaa na mitihani ya Taifa katika shule ya sekondari Tambaza, ilikuwa jioni ya saa kumi na mbili ikielekea saa moja giza likiwa limeshaanza kuingia tayari, ingawa huwa ninatoka mapema saa tisa lakini siku hiyo tulichelewa kwa ajili ya watu wa mazingira waliokuwa wametutembelea shuleni kwetu.
Kichwani sikuwa haba, nilikuwa nina akili za darasani na ndiyo maana nikachaguliwa kujiunga na shule hiyo maarufu ya Wasichana pekee ambayo ilikuwa miongoni mwa shule kumi bora zinazochukua watu wanaofaulu kwa maksi za juu kipindi hicho, zikiwemo Jangwani, Kisutu Girls, Zanaki na zingine za wanaume pekee kama Azania na za jinsia zote...
Nilifika nyumbani nikiwa nimechoka sana kutokana na purukushani za usafiri wa mjini, nikiwa hoi na kabla ya kufika kabisa mbele ya nyumba nilikaa kwenye baraza moja ya nyumba ya jirani kwa sekunde kadhaa mguu mmoja ukiwa unaniuma kutokana na kusimama kwa muda mrefu ndani ya daladala kutokana na foleni kubwa.
"Wewe mama naniliu umejikalisha huku unapitwa na mambo" nilisikia sauti ya mmoja wa wapangaji akimwambia mwenzake ndani ya nyumba hiyo.
"Mambo gani shoga yangu tena?"
"Ngumi huko nyumba ya pili"
"Nyumba ya pili wapi, ndo mambo ninayoyapenda mie hayo uuuwiii"
"Kwa kina Mage huko"
"Mage huyu anaepitaga pitaga na uniform za shule?" Waliongea, walipotaja jina langu moyo ukafanya paa!!
"Nyumbani kuna ngumi, haiwezekani" niliongea mwenyewe na kutupa begi langu la shule chini bila kulijali tena nikakimbia mbio kama nilivyo mpaka nyumbani ambapo nilikuta majirani mbele ya nyumba yetu wananong'ona nong'ona huku ndani nikisikia sauti ya mama akipiga makelele na baba akimgombeza
"Nitakuua wewe mwanamke, nitakuua" baba aliongea kwa hasira huku vikisikika vishindo ikionekana anampiga mama
"Niue tu niue tu, ndivyo ulivyozoea niue" mama alijibu huku akilia nami nikaufuata mlango na kujaribu kuufungua lakini ulifungwa kwa ndani nisingeweza kuufungua
"Baba muache mama Yangu" nilipiga makelele kama kichaa huku nikilia
"Mage binti yangu uuwii baba yako ananiua" mama alilia aliponisikia napiga kelele mlangoni.
"Jamani nisaidieni nifungue mlango tumsaidie mama" niliwaomba majirani.
"Mh nani anataka kesi, aku" mmoja aliongea huku wakitawanyika kila mmoja na kuniacha nje pale mimi mwenyewe nikiangua kilio baada ya kushindwa kumsaidia mama....
Kwa Simulizi zingine Tamu ingia hapaπ Hadithi Za Chumbani
ITAENDELEA!!.
Maoni
Click here to login and comments