ALIFIRISIKA BAADA YA KUMUACHA MKE ALIYECHUMA NAYE MALI | EP 13

Majira ya saa 12 jioni, Garma alikuwa anaingia nyumbani kwake 🚗. Baada ya kufunguliwa mlango na mama yake, aliingia ndani na kusimamisha gari katika eneo lake la kila siku. Alishuka huku akionekana kama mtu aliyechoka sana 😩.

Alimtazama mama yake na kujiandaa kumpa salamu, lakini hata hakufanikiwa kufanya hivyo kwani mama yake alikuwa wa kwanza kuzungumza.

“Nilikuambia kunguru hafugiki, lakini hukutaka kunisikia 🐦,” alisema mama yake kwa ukali.

“Kwanini?” Garma aliuliza kwa mshangao.

“Si huyu kiumbe wako unayemfuga kila siku kwa kumuona mwema ameondoka hapa 🏃‍♀️.”

“Kha! Ametoka? Ameenda wapi?” 😳

“Kwani nawe siku hizi kichwa chako hakina akili au? Jana nilikuambia anataka kwenda wapi?” Mama Garma alimzodoa mwanae bila haya.

Garma alivuta kumbukumbu na kukumbuka. Ghalfa, ndita zilitengenezwa kwenye paji la uso wake 😠.

“Kaondoka hapa na nani?”

“Naelewa basi. Nimeona tu ametoka hapa, tena kanichimbia mkwara wa kufa mtu, akasema ‘Wewe mama lazima nikuue’ 😤. Kama unavyojua lile lisauti lake baya kama Burna Boy,” mama yake alisema huku akiigiza sauti ya Mayner kama ya msanii kutoka Nigeria ajulikanaye kama Burna Boy 🎤.

“Aise! 😡 Nitakuja nipige, niue halafu nifungwe. Yaani anakwenda kwa mganga? Uchawi! Uchawi tena? Huu uganga utamfikisha wapi? Dadeki zake! Ngoja kwanza!” alisema Garma kwa jazba huku akitoa simu yake 📱.

Alicheza nayo na kumpigia Mayner, lakini simu haikupokelewa ☎️. Alipopiga kwa mara ya pili, bado simu haikupokelewa.

“Hawezi kupokea. Anajua ulimkataza na huko aliko anahisi tayari umeshajua,” mama alisema kwa kejeli.

“Mama, hakuna shida. Unajua kila siku nakuona wewe ndiye mkosefu, kumbe huyu mbwa ndiyo mshenzi. Sasa kwa waganga kaenda kufanya nini jamani? Duh!” 🤦‍♂️

“Utajua mwenyewe. Ngoja nikale zangu. Basi hapo aje halafu umchekee. Wallah nitakubutua wewe pamoja na yeye!” 😤

“Mama, hata usinifundishe namna ya kupiga. Hii kazi niachie. Najua namna ya kumfanya. Nitam’bumunda, hatokaa aamini maisha yake yote!” alisema Garma huku akiingia ndani kwa hasira 💥.

---

Wakati huohuo...

Rasma na Mayner walikuwa njiani. Rasma aliendelea kuzungumza na Mayner lakini kimya kilitawala. Alionekana kama mtu aliyepoteza mwelekeo kabisa, akili yake ikiwa mbali 😔.

“Kama hutaki kusema au kuzungumza lolote, basi tulikuja huku kufanya nini?” aliuliza Rasma kwa wasiwasi.

“Kujua kwamba naumwa, ila sio kuhama pale nyumbani. Natoka naenda wapi, Rasma?” Mayner alijibu kwa jazba huku machozi yakimdondoka 😢.

Kila kitu alichokuwa akikipitia kilizidi kumuumiza moyo. Hakuwa tayari kumuacha mwanaume aliyemchagua kwa moyo, kisha aanze maisha mapya kama vile hakuna kilichowahi kutokea. Badala yake, kama kifo kingekuwa mbele yake, basi alikuwa tayari kukikumbatia ⚰️.

“Sijui ni wapi unashindwa kuchukua maamuzi. Unadhani mama atashindwa kukuua endapo ukiendelea kukaa pale nyumbani?” Rasma alihoji kwa sauti ya uchungu.

“Unajua nawaza mengi... hasa nikikumbuka kwamba sina pa kwenda. Unakumbuka nilivyouza nyumba ili kuongeza mtaji wa kampuni? Sasa naenda wapi mimi? Muda mwingine si mapenzi tu yanayonifanya nikakae pale, bali ni kukosa sehemu ya kwenda 😔,” alisema huku machozi yakiendelea kumwagika 😭.

Rasma alitulia kwa dakika chache, kisha akaangaza macho huku na kule kana kwamba anatafuta majibu ndani ya nafsi yake. Kisha akasema:

“Tutaanza maisha mapya kwangu. Utaishi kwangu, na kama utapata mtu sahihi wa maisha yako, basi utaondoka tu 🏠.”

“Kukaa kwako? Si bora niende kukaa kwa Garma?” 😒

“Kwanini?”

“Bado mama yako atazidi kunisakama.”

“Sidhani. Mama anaweza kufanya ujinga wote, lakini si kwangu. Mimi namweza mama. Huoni hata navyojibu ni vile ambavyo najisikia?” alisema Rasma kisha akafikiria kidogo 🤔. “Au tukaongee na Laila? Unasemaje?”

“Laila naye maisha yake ni hovyo. Pale kwake yupo na mama yake, kila siku wanajibizana. Sitaenda. Bora kidogo kwako,” alisema Mayner kwa sauti ya huzuni.

“Kama ni hivyo, sawa. Hakuna shida kabisa,” alijibu Rasma kwa utulivu.

Walifikia makubaliano ya kuishi nyumbani kwa Rasma. Walipanga kwenda nyumbani kwa Garma kuchukua baadhi ya vitu, kisha waondoke kuanza maisha mapya 🧳. Ingawa uamuzi huo ulikuwa mgumu kwa Mayner, hakuwa na jinsi zaidi ya kuukubali.

Alijiona anaenda kuanza maisha ya mbali na aliyempenda. Alijiona anakwenda kuvuna aibu ya kushindwa kuolewa ilhali ndoa ilikuwa karibu sana — zimebakia kama siku 10 tu 💔. Kadri alivyofikiria, ndivyo machozi yalivyozidi kumtoka.

Moyo wake ulimuumiza sana 😭. Macho yalikuwa mekundu, misuli ya kichwa ilijitokeza kwa hasira. Kamasi nalo halikubaki nyuma — lilimwagika kwa wingi kuonesha dhahiri kuwa alikuwa katika hali ya kuvunjika moyo sana 😞.

Walifika nyumbani kwa Garma na kusimamisha gari nje. Wakapiga honi 🚘. Dakika mbili baadaye, mlango ulifunguliwa na mama Garma ambaye alikuwa amefura kwa hasira 😠.

Mayner na Rasma walishuka bila hata kuingiza gari ndani. Mama Garma aliona ana kila sababu ya kuuliza:

“Mbona gari ipo nje? Mganga amewaambia hivyo au?” 🤨

Swali hilo lilijibiwa na Rasma kwa dharau:

“Kaa hapo ulinde, wewe si mchawi?” 😒

“Unasemaje?” Mama alifoka kwa hasira.

“Umesikia,” alijibu Rasma kwa jeuri, kisha akaingia ndani, lakini mama alimziba Mayner geti 🚪.

Bahati nzuri, Rasma alikuwa ameingia. Mayner alibaki nje. Walitazamana na mama Garma kwa sekunde kadhaa, kisha mama Garma akasema:

“Inamaana wewe ndio unamchukua mwanangu na kumpeleka kwa mganga?”

“Niache bwana, wewe vipi?” 😤 alijibu Mayner huku akitaka kuingia ndani, lakini mama Garma alimshika mkono kwa nguvu.

Kitendo hicho kilisababisha kama shoti fulani — mama Garma akalalamika, “Mamama!” 😵‍💫 kisha akamuachia haraka.

“Endelea kunishika. Si unapenda kushika shika watu?” Mayner alisema kwa kejeli, kisha akaingia ndani kwa hasira.

Kulitoka msonyo mmoja mtakatifu uliojaa dharau 🤯. Rasma aliyekuwa ndani aligeuka na kumuona Mayner akiingia, lakini kabla hajamaliza kushangaa, alikutana na kaka yake — Garma — aliyekuwa amefura kwa hasira, akiwa ameshika mkanda mkononi 🪢.

“Mlienda wapi?” aliuliza Garma kwa ukali.

“Wapi kufanyaje? Yaani mbona sielewi?” Mayner alijibu huku akitaka kupita aingie ndani.

“Nani unamjibu hivyo?” Garma aliuliza kwa jazba, kijasho kikiwa kinamtoka 😤.

“Bwana, nenda kachukue vitu vyako tuondoke,” alisema Rasma kwa sauti ya amri.

“Nawe dada unaungana naye huyu?” Garma aliuliza kwa mshangao.

“Muache aondoke tu. Hatuwezi kukaa na mtoto mchawi,” mama Garma alisema akiwa mlangoni.

Kauli hiyo ilimchoma Mayner sana 😡. Alirudisha tusi kama lilivyo:

“Nani mchawi? Mchawi ni wewe uliyemla mwanangu!”

Kutamka kauli hii ilikuwa ni kosa kubwa... kosa ambalo kama angejua, asingelifanya kwa siku ile 😶‍🌫️.

ITAENDELEA...

Tupo kwenye dunia huru na salama zaidi. Raha ya kununua ipo pale ambapo muuzaji anakuambia, Lipia kwa pesa unayotaka. Leo, simulizi hii unaweza kununua kwa pesa yako mwenyewe. Nitext WhatsApp, namba ni 0717255498. Nunua kwa pesa yako..
share     comments 0 claim rewards