Sema Jambo
TANGAZA BIASHARA YAKO
Faidika zaidi kwa kutangaza hapa gonga94, bure tunathamini mchango wako kwetu Tunapo sema bure ni bure kabisa kwa matangazo yasio husu kamari
Weka Tangazo Hapa
MUCHAS GRACIAS SOFI MARTINEZ POR LA HISTORIA ❤️❤️ Wakati dunia
27th Jul, 2025 Views 27
ikiwa kwenye duwazo la kiwango bora cha Lionel Messi siku ile ya Disemba 13, 2022 kwenye nusu fainali ya Kombe la Dunia dhidi ya Croatia…! Bado kulikuwa hakuna majibu sahihi ya kwa nini Messi anafanya vile akiwa na miaka 35 dhidi ya mlinzi imara kama Joško Gvardiol✍️
Wakati ambao timu imemaliza mchezo kama kawaida…! Waandishi walikuwa kwenye eneo huru la mahojiano (Mixed Zone) na bahati ikawa kwa mdada Sofi Martinez ambaye Microphone yake ilikuwa mbele ya Messi na akauliza maswali yake mafupi tu.
Bahati huwa haiji mara 2. Huenda asingepata nafasi kama hiyo tena na akaamua kumaliza kila alichokusudia kusema…! Badala ya kuishia kama mwandishi akaingia kwenye utume na kazi ya kizalendo ya kutia moyo kwa maneno yenye hisia ya kipekee ambayo yalikaribia kumtoa machozi Messi. Huwaliza mashabiki hata leo!
“Kitu cha mwisho ninachotaka kukuambia sio swali lakini nataka kusema…! Fainali inakuja na ukweli sisi waArgentina wote tunataka kombe”
“Nataka nikuambie bila kujali matokeo yatakavyokuwa tayari kuna kitu chako cha pekee ambacho hakuna yoyote atakichukua kwako…! Ni namna ulivyojenga ufuasi wako kwenye mioyo ya waArgentina wote…! Namaanisha kwa hili…”
“Hakuna mtoto asiye na jezi yako iwe ni jezi feki au Original…! Umeweka alama kwenye maisha ya kila mtu na kwangu hiyo ni zaidi ya kushinda kombe lenyewe”
“Hakuna mtu atachukua kwako hiyo…! Hii ni shukran yangu kwa sababu ya furaha kuu unayowapatia watu wetu…! Nipo ‘serious’ nikiamini unachukua maneno yangu moyoni kabisa kwa sababu naamini hilo ni muhimu kuliko hata kushinda Kombe la dunia ambalo naamini tayari unalo! Asante sana Kepteni”
Alimaliza hivyo Sofi kwa hisia nzito ambayo kila aliyesikiliza alikuwa analengwa na hisia nzito ama kutoa machozi! Tazama uso wa Messi✍️
Kutoka kashfa na maneno makali baada ya kupoteza mchezo wa kwanza kwa watesi wake mpaka kupata ujumbe wa kutia moyo na wa faraja kwa mdada Sofi inatajwa kama ujumbe ulioishi zaidi kwenye moyo wa Leo Messi✍️
Ukitazama makala ya “Lionel Messi 🇦🇷 The Complete Story” kwenye You Tube ya Magical Messi wametambua mchango wa Sofi kwenye kushinda WC 2022 kwa Messi.
@sofimmartinez.
