STORY YA MWANAMKE JASIRI AITWAE TAMRINA Sehemu ya Pili ( 2 )

*************
@Kila Mtu
😇😇😇😇😇😇😇😇😇😇😇😇😇😇😇
Siku iliyofuata, ofisi ya 'Sauti ya Mwanamke Jasiri' ilikuwa na hewa nzito ya hasira. Tamrina alikuwa amekaa mbele ya kompyuta yake, akitazama video ya mahojiano ya Jay kwa mara ya tano mfululizo. Kila neno lililotoka kinywani mwa Jay lilikuwa likichoma kama moto, likichochea hasira iliyokuwa ikifukuta ndani yake.
Maneno yake, "Wanawake watumike tu kwa ajili ya starehe," yalikuwa yakirudiarudia akilini mwake kama wimbo wa ajabu. Mikono yake ilikuwa imekazana, akiganda kwenye meza, mishipa ikimtoka shingoni.
"Mpuuzi mkubwa!" alinguruma, akipiga ngumi kwenye meza. Faili zilizokuwa zimetunzwa kwa umakini ziliruka juu na kutawanyika.
Diana, msaidizi wake, aliyekuwa akipanga nyaraka chumbani, alishtuka na kuja mbio.
"Tamrina, kuna nini?" Diana aliuliza, akionekana kuhofia.
Tamrina aligeuza skrini ya kompyuta kumwonyesha Diana video hiyo. "Tazama huyu dhalimu! Huyu ndiye yule watu wammwita mfano wa kuigwa? Huyu mwanaume mshenzi anawaambia vijana wenzake, eti wanawake ni chombo cha starehe tu? Ni mchochezi wa unyanyasajihuyu, si mfanyabiashara aliyefanikiwa!" Sauti yake ilikuwa imepanda, macho yake yakimwaka moto.
Diana aliitazama video hiyo kwa sekunde chache, kisha akaguna. "Nimemuona asubuhi kwenye habari, Tamrina. Anazungumza pumba tupu."
"Kweli kabisa, ni Pumba tupu!?" Tamrina alirudia kwa hasira. "Hizi 'pumba' ndio zinazowafanya wanaume kama yeye kuwaona wanawake kama mali, kama vitu wanavyoweza kuvitumia na kuvitupa! Huyu Jay anahitaji funzo! Huyu anahitaji kujua kwamba wanawake siyo vitu. Sisi ni binadamu kamili, wenye akili, hisia, na uwezo wa kipekee!"
Alikuwa amesimama, akitembea huku na huko ofisini, akihisi damu yake ikimchemka.
Video hiyo iliendelea kuonyeshwa kwenye runinga za ofisi mbalimbali, vijiwe, na hata kwenye magari. Ilisababisha mjadala mkubwa, baadhi wakimtetea Jay na wengine wakimshambulia vikali.
Lakini kwa Tamrina, hakuwa na chembe ya shaka. Jay hakuwa tu ametoa maoni yenye utata; alikuwa ametoa tangazo la chuki dhidi ya wanawake, akichochea kudhalilishwa kwao.
Alimchukia Jay kwa moyo wake wote, akimwona kama ishara ya kila kitu kibaya kilichokuwa kikiwakumba wanawake katika jamii.
"Huyu mtu lazima ajifunze adabu," Tamrina alijisemea tena, akisimama ghafla mbele ya dirisha. Akili yake ilianza kufanya kazi haraka.
Alianza kupanga jinsi ya kumjibu Jay, jinsi ya kumwonyesha kuwa maneno yake yalikuwa na madhara gani. Hakuwa tayari kukaa kimya na kuona unyanyasaji huu ukiendelea.
☆☆☆☆
Jua la alasiri lilikuwa likipenya kwenye madirisha ya nyumba ya kina Tamrina, likiangazia sebule yao ndogo lakini yenye mapambo maridadi. Harufu nzuri ya chakula cha mchana iliyopikwa jikoni ilijaza nyumba, ikiashiria jioni tulivu ya kifamilia.
Tamrina alikuwa amekaa kwenye sofa, miguu yake ikiwa imepanda juu, macho yake yakibaki yakitumbukia kwenye skrini ya simu yake. Sauti ya Jay ilirudia maneno yake ya dharau dhidi ya wanawake ilikuwa ikicheza tena na tena akilini mwake. Kila neno liliongeza mafuta kwenye moto wa hasira uliokuwa ukimteketeza ndani.
"Huyu mtu anatukana akili zetu! Anawafanya wanawake waonekane kama bidhaa tu! Anatuonaje jamani?" Tamrina alinguruma, akipiga paja lake kwa hasira. Kidevu chake kilikuwa kimekazana, macho yake yakimwaka moto.
Ally, mdogo wake wa kiume, mwenye umri wa miaka kumi na miwili, aliyekuwa akicheza mchezo wa video kwenye TV, aligeuka na kumtazama dada yake kwa mshangao. "Kuna nini sasa dada Tamrina? Mbona umekasirika hivyo?" aliuliza, akionekana kuchanganyikiwa na ghadhabu ya Tamrina.
Mama Tamrina, akiwa ameshika bakuli la matunda, aliingia sebuleni, akitabasamu kwa upole. Alikuwa mwanamke mchangamfu, mwenye hekima, ambaye alipenda amani na furaha nyumbani kwake. Familia yao ilikuwa nguzo ya upendo na kuheshimiana, wakijadili mambo kwa uhuru na kucheka pamoja kila wakati.
Ni nadra sana kumuona Tamrina akikasirika kiasi hicho nyumbani.
"Ni huyu mwanaume, Mama! Huyu Jay! Tazama kile anachokisema," Tamrina alimkabidhi simu yake mama yake, akionyesha video ya mahojiano ya Jay. "Anawezaje kusema wanawake ni kwa ajili ya starehe tu? Kwamba hatufai chochote zaidi ya kuharibu maisha ya wanaume? Huyu ni mchochezi wa unyanyasaji, Mama, siyo mfano wa kuigwa kama watu wanavyodhani!"
Mama Tamrina alitazama video hiyo kwa makini, tabasamu lake likafifia polepole. Alisikiliza maneno ya Jay, na kisha akamrudishia simu Tamrina. Badala ya kumkemea au kukubaliana naye moja kwa moja, alikaa karibu na binti yake, akamshika mkono kwa upole.
"Tamrina, mwanangu," Mama Tamrina alianza kwa sauti ya upole na hekima.
"Nakuelewa hasira yako, na maneno haya si mazuri. Lakini unajua, kila mtu ana mapito yake. Wengine wanapitia mambo magumu yanayowafanya wawe na mitazamo tofauti juu ya maisha. Labda huyo Jay aliteseka sana na mapenzi hapo nyuma. Labda kuna mwanamke aliyemuumiza kiasi kwamba akaamua kuwachukia wanawake wote na kuona kama hakuna maana yoyote katika upendo wa kweli."
Tamrina alitikisa kichwa kwa hasira, akivuta mkono wake. "Hata kama aliumizwa, Mama, hiyo haimpatii ruhusa ya kudhalilisha wanawake wote! Huo siyo utatuzi wa tatizo. Ni kuchochea matatizo mengine! Maneno yake yanaweza kuathiri vijana wengi na kuendeleza tabia hizi mbaya."
"Ninajua, mwanangu," Mama Tamrina alisema, akimpapasa mkono Tamrina tena. "Lakini sometimes, watu wanahitaji huruma pia, hata kama wanafanya makosa. Kujibu chuki kwa chuki hakuleti suluhisho. Jaribu kuelewa chanzo cha chuki yake, labda ndipo utapata njia ya kumsaidia, au angalau kumwelewa."
Maneno ya mama yake yalimuingia Tamrina, lakini hasira bado ilifukuta. Alijua mama yake alikuwa sahihi, lakini moyo wake uligoma kukubali. Kuwa na huruma kwa mtu anayechochea udhalilishaji wa wanawake? Kwake, ilionekana kuwa haiwezekani. Huyu Jay alikuwa ishara ya kila kitu alichokipigania dhidi yake.
"Sijui tu, Mama," Tamrina alisema, sauti yake ikiwa imeshuka kidogo. "Lakini huyu Jay hahitaji huruma. Anahitaji funzo. Anahitaji kujua kwamba wanawake siyo vitu. Hata kama aliumizwa, haimlazimu kuumiza wengine."
Aliamua moyoni mwake. Hawezi kukaa kimya. Atamkabili Jay, kwa njia yoyote ile......🤔🤔 Nyieeeee....Mambo ni ya motooo.😂 Kwani wewe auogopi Usipite bila kulike na kukomeniti fanya ku share kabisa ili sehemu inayofuata isikukose maana ndiyo sehemu balaaa🔥🔥🔥🔥🔥🔥🔥🔥.
Jamani comment zenu zikiwa nyingi naleta mwendelezo fasta.
share     comments 0 claim rewards